فوائد انقطاع الكهرباء

تلاحظون من تنطفى الكهرباء العائلة تگعد سوه بالهول بالگراج بالحديقه ولو بالكراج تشوفون الواحد منهم لزم الصوندا وكام يرشرش...و واحد يهفي للاخ وتصير سوالف وضحك وشقة وعركة ... اكيد صايرة وياكم بس لو نجي عليها من صدكَ اذا الكهرباء تنطفي 5 ساعات وتجي ساعة ونص يعني العائلة راح تجتمع(15 ساعة باليوم) وهذا بدوره سوف يؤدي الى ترابط افراد الاسره وترابط افراد الاسره و تواجدها معاً بكثره سوف يؤدي الى

1: الملل + روتيييييين


2: انزعاج افراد الاسره


3: كل يوم تشوف نفس الناس (طبعا اذا ماكو طلعة )


4: الاشخاص بالعائلة راح يضوجون واحد من اللاخ اذا ( واحد مكابل اللاخ 15 ساعة هاي وين صايرة)


5: نمو عقده عند الانسان وهي الجلوس و الجلوس + الجلوس


6:سوف يصبح الشخص كثير التكلم (مثلا : العجايز طبعا اذا مطفية الكهرباء شيسون غير الحجي )


7: نمو موهبات متعددة عند الشخص يطبخ..يلعب طوبه


8: اخيرا وليس اخراً تجي حالات للواحد مثلاً يگوم يسوي حركات غريبة ...لو يحجي حجي بلا ربط بس الله يفتهمه حتى هوه ميفتهم شديحجي وطبعا ترزله علمود يسكت وهو ولا يمه الحجي مستمر


*وهذا طبعاً سوف يؤدي الى
( عوده اشخاص الاسرة العراقية و اجتماعهم من جديد و حته الي مسافر يرجع لبيته حته يجتمع بأسرته)


ها يابا شلون فوائد تحشيشيه خرافيه