من اول يوم مرني

من اول يوم مرني تعلقت بيچ
تعذبت بهواچ و انتي ما تدرين
ويوم ايمرني يوم ازيد الجروح
و صرت كلي جرح من ضلم السنين
و صرت ناحل و جسمي يشبه العود
عدووي يحن عليه يگول مسكين
و انتي شنو انتي اشون اوصفچ عاد
و من يا صفحه ابدي و احچي انه منين
اخاف احچي و اسولف و الحچي يضيع
و اخاف انه اعترف لچ وانتي متقبلين
صرت اعشگ دوامي و اعشگ التدريس
و صرت للكتب اهوه و للقوانين
لان بيه انتلاگه انه وياچ
ولو انچ بحالي ما تحسين
و صرت اعشگ الباب و حته الحديقه
لان كل يوم من يمهه انتي تمرين
و مدري شصرت حيل احبچ حيل
و احس گلبي تگطع بي شراين
و احس اوردتي توگ لمن الگاچ
و احس النار تاكل بالشراين
انتي طالبه و معذبه استادچ اشون ؟
شنو گلبچ سخر لو هوه من طين
شوصفلچ بعد شحچيلچ انه انوب
اذا كل هذا حچيي و ما تشعرين
ارفعلچ محبتي بكل رقه و احساس
و علي كونچ برحمه هم تحكمين

معه تحياتالجياشي ابو شهد

دموع العراق